فكرة مشروع الجلسه مع الملائكة

بسم الله الرحمن الرحيم

السلام عليكم و رحمة الله و بركاتة

والصلاة و السلام على سيدنا محمد عليه افضل الصلاة و ازكى التسليم

فكرة مشروع الجلسه مع الملائكة

طبعا فى ناس كتير هتسأل يعنى ايه الجلسه مع الملائكة هرد و بكل بساطه ان احنا طول ما احنا جالسين فى مجلس دين تحفانا الملائكة و تغشانا الرحمة زى ما قال الرسول  : صلى الله عليه و سلم عن ابي هريرة – رضي الله عنه قال- عن النبي صلى الله عليه و سلم قال : ........................ وما اجتمع قوم في بيت من بيوت الله يتلون كتاب الله و يتدارسونه بينهم إلا نزلت عليهم السكينة و غشيتهم الرحمة و حفتهم الملائكة و ذكرهم الله في من عنده ، و من بطأ به عمله لم يسرع به نسبه - رواه مسلم بهذا اللفظ

طيب يحصل ازاى الموضوع دا ؟ .. بمنتهى السهوله انت ممكن كل يوم تغشاك الرحمه و تحفك الملائكة عن طريق 

انك تجيب كتاب سيرة نبوية للأطفال و تقراه لعيالك 

او تجيب اخوك او اى حد من عندك و تقرى معاه صافحتين قراّن

طبعا مش محتاج اقول ان الموضوع دا كلما زاد فيه العدد كان احسن و لو فى حلقه للأطفال يبقى الطريقه جذابه ليهم 

 نصيحة النهردة: أن تضيء شمعة صغيرة خير لك من أن تنفق عمرك تلعن الظلام

   و فى النهايه و كالعادة اخلصوا نيتكوا لله وحدة و صلو على النبى 10 مرات الصلاة الابراهميه ( الجزء التانى من التشهد ) و ادعولى

و السلام مسك الختام 

السلام عليكم و رحمة الله و بركاتة

و الصلاة و السلام على سيدنا محمد عليه افضل الصلاة و ازكى التسليم

فكرة مشروع صدقة الـ 10 %بسيط جدا

بسم الله الرحمن الرحيم

السلام عليكم و رحمة الله و بركاتة

الصلاة و السلام على سيدنا محمد عليه افضل الصلاة و ازكى التسليم

فكرة مشروع صدقة الـ 10% البسيطة

فكرة النهردة سهله جدا و مش محتاجه شرح كتير و اعتقد من اسمها الناس فهموا ايه هى , هى تخصيص 10% من مصروفك او مرتبك لله عشان ربنا يكرمنا

طبعا ناس كتير ممكن تيجى تسأل السؤال الرهيب اللى انا متوقعه : اشمعنى 10% بالذات  ؟؟

بمنتهى السهوله هرد و اقول عشان الحسنه بـ 10 امثالها يعنى لو الواحد طلع 10% من فلوسه بنيه صافية لله تعالى ربنا هيردها له على فكرة مش لازم فلوس ممكن فى صحته او  دراسته او علمه او يفدى بها حاجة كانت ممكن تحصل

سيبونا من اللى فات دا كله كفايه بس ان الواحد يعرف ان الصدقة تطفأ غضب الرب يعنى لو احنا عملنا حاجة غلط نطلع صدقه و نتوب و ندعى ربنا انه يعفو عنا 

نصيحه صغيره بدل ما تطلع انت لوحدك فلوس جيب عليه صغيره و افتحها من فوق و خلى البيت عندك كله يتبرع عشان تاخد ثوابهم

و فى النهايه و كالعادة خلو نيتكوا لله وحده و صلو على النبى 10 مرات الصلاة الابراهميه ( الجزء التانى من التشهد ) و ادعولى

و السلام مسك الختام 

السلام عليكم و رحمة الله و بركاتة

و الصلاة و السلام على سيدنا محمد عليه افضل الصلاة و ازكى التسليم

فكرة مشروع الارملة

بسم الله الرحمن الرحيم 

السلام عليكم و رحمة الله و بركاتة

الصلاة و السلام على سيدنا محمد عليه افضل الصلاة و ازكى التسليم

فكرة مشروع الارملة

مشروع النهردة عاوز له شغل شويه بس ثوابه كبير و بجد بننفع بيه ناس كتير و مبيكلفش حاجة بالعكس المكسب بيبقى اكتر من اللى بيتصرف

الحمد لله رب العالمين ربنا كرمنى و اشتغلت فى جمعية خيريه بس انا كنت بعاتب عليهم فى موضوع المعارض الخيريه و الهدوم اللى بتتباع بطريقه غير لطيفة  ( الهدوم مبهدله و مش مكويه و مقطعه و مش نظيفه ) دا بعض اللى كان بيحصل

المهم الجمعيه بتبيع قطعة الهدوم بحوالى 4 - 5 جنية فأنا عرضت عليهم فكرة تنفع بجد كتر من الارامل بدل ما الهدوم بتتباع بطريقه غير لطيفه زى ما وضحنا قبل كدا قولتلهم اننا ممكن نفيد الارامل انهم يشتغلوا فى غسل و كوى وتخييط الهدوم المحتاجه و تكييس الهدوم و تتباغ الهدوم بسعر اعلى شويه 

يعنى خلينا نوضح بالارقام يعنى لو القطعة بتتباع بـ5 جنيه احنا ممكن نخلى الارمله تيجى و تكوى و تغسل و تكيس و تخيط الهدوم اللى محتاجه و قابله للتخييط لو محتاجه , و طبعا الارمله هتاخد حوالى جنيه للقطعة و بدل ما قطعه الهدوم تتباع بـ 5 جنيه ممكن نبيعها مكويه و متكيسه بحوالى 6 جنيه يعنى كدا ضربنا عصفورين بحجر شغلنا ارامل كتير و خدنا بردو الـ 5 جنيه اللى احنا بناخدها على طول

فى جمعيات كتير فيها هدوم والله والله والله بالهبل ملهاش حصر , دا ممكن يفيد و يشغل ارامل بالهبل و بكدا ناخد ثواب توفير فلوس للأيتام و توفير فرص عمل و ستر بيت مسلمين و حاجات تانيه كتير 

كل المطلوب اننا نعرض الفكرة دى على جمعيات خيريه كتير و نتابع معاهم

نصيحه اليوم :  اعرف أن الأمس هو شيك تم سحبه والغد هو شيك مؤجل أما الحاضر فهو السيولة الوحيدة المتوفرة لذلك اصرفه بحكمة

 و فى الاخر زى العادة خلوا نيتكوا لله رب العالمين فقط و صلو على النبى الصلاة الابراهمية ( الجزء التانى من التشهد ) و ادعولى 

و صلى اللهم و سلم على سيدنا محمد و على اله و صحبه اجمعين 

و السلام مسك الختام 

السلام عليكم و رحمة الله و بركاتة

فكرة مشروع اغرس غرسه

بسم الله الرحمن الرحيم

السلام عليكم و رحمة الله و بركاتة

الصلاة و السلام على سيدنا محمد عليه افضل الصلاة و ازكى التسليم

فكرة مشروع اغرس غرسه

فكرة مشروع النهردة بسيطة جدا بجد و مبتكلفش حاجة خالص و ثوابها كبير ملخص الفكرة ان نفسى مجموعه من الشباب يتبنوا مشروع كل فكرتة عن زارعة شجر فى الاماكن العامه بكميه كبيره يعنى على الاقل يبقى عدد الشجر اللى هيتزرع حوالى 1000 شجره 

انا عارف ان فى ناس كتير هيقولوا 1000 شجره كتير و هيكون تكلفتهم كبيره بس للأسف الكلام دا غلط لان فى نوع شجر مش فاكر اسمه بالظبط بس هو بيستخدم فى الاراضى الزراعيه كحدود ما بينها و بين بعضها تكلفه الشجره دى حوالى 30 قرش يعنى الـ1000 شجره بحوالى 300 جنيه يعنى لو انتوا مجموع كبيره ممكن الواحد يدفعلوا 10 جنيه فى الموضوع دا

انا فى الموضوع دا بالذات انا كنت عاوز اللى يتبنى الفكرة يعمل حاجتين اولا انه يجمع ناس كتير فى الموضوع دا و ثانيا ياخد موافقه من التربيه و التعليم فى المنطقه بتاعته و يدى محاضره للطلاب فى الايتدائيه عن اهميه الشجر و الحاجات دى و يخليهم هما اللى يغرسوا الشجره بنفسهم و كل واحد يحط اسمه على الشجره اللى غرسها اولا بجد الولاد دول هيبقوا مبسوطين جدا من الموضوع دا و ثانيا لما يكبروا و يلاقوا الشجر كبر معاهم مش بعيد هم كمان يعملوا كدا فى مدارس تانيه و تاخدوا ثوابهم

على فكرة فى حديث يشجع بجد للموضوع دا و هو : روى الشيخان عن أنس قال: قال رسول الله صلى الله عليه وسلم: "ما من مسلم يغرس غرسًا ، أو يزرع زرعا ، فيأكل منه طير أو إنسان أو بهيمة، إلا كان له به صدقة". صدق رسول الله صلى الله عليه و سلم

نصيحة النهردة : لاتستعجل الامور فالأمور مرهونه بأوقاتها

فاللهم تقبل منا و منكم صالح الاعمال و متنسوش اخلصوا النيه لله وحدة و صلو على النبى 10 مرات الصلاة الابراهمية ( الجزء التانى من التشهد ) و ادعولى

و السلام مسك الختام

السلام عليكم و رحمة الله و بركاتة

  

و الصلاة و السلام على سيدنا محمد و على اله و صحبه اجمعين  

فكرة مشروع صدقه جاريه عن طريق المياه

بسم الله الرحمن الرحيم

السلام عليكم و رحمة الله و بركاتة

الصلاة و السلام على سيدنا محمد عليه افضل الصلاة و ازكى التسليم

فكره النهردة هى صدقه جاريه عن طريق المياة

على فكره فكره النهردة سهله جدا و بجد ثوابها كويس اوى لاننا هنعمل حاجة زى كولدير للماية الناس تشرب منه و كل اللى يشرب منه ربنا هيدينا ثواب عليه ان شاء الله 

على فكرة الادوات اللى احنا محتاجنها عشان الموضوع دا هى مش هتتعدى 30 جنيه , عاوزين برميل من اللى لونه ازرق الكبير دا انا فاكر ان كان سعره حوالى 12 جنبه و كبايه و فير حرارى و لو مش لقيته هات ورق سوليفان و فلين 

المهم هتروح لافف البرميل الاول بورق سوليفان و تحط عليه الفلين و تحط عليه طبقة ورقه سوليفان كمان و هنعرف احنا بنقول الموضوع دا ليه و نربطه او نلزقه جامد و طبعا نحط حنافيه ( صنبور ) امال هنشرب ازاى 

المهم احنا هنحط البرميل دا قدام مكان مزدحم سواء كان سوق ولا محل ولا بيت ولا محطه ( زى ما بتوع الاقتصاد بيقولوا - منطقه حيويه - ) بس طبعا بعد ما نستأذن الناس المسؤوله عن الموقع عشان الاستفادة تبقى اكبر 

هنملى البرميل ميه و هنجيب لوح تلج اللى بيستخدمه بتوع التمر الهندى و العرقسوس تمن اللوح دا من 2 لـ 4 جنيه كل يوم و موضوع السوليفان دا عشان التلج ميسحش بسرعه و تحفظ درجه حراره الميه

شوف بقى كام واحد هيشرب منه و هتاخد ثواب كام واحد و على فكره انا قولت موضوع البرميل دا عشان انا عارف ان موضوع الكولدير دا بجد غالى على ناس كتير يعنى بيبدأ من 900 جنية لحد 1600 جنيه بس الموضوع دا موفر جدا يعنى 30 جنيه و 3 جنيه فى اليوم عشان ناس كتير تعمله ان شاء الله

نصيحه اليوم :  كونك كسلحفاء فى طريق الخير افضل بكثير من كونك غزال فى طريق الشر 

و كالعادة خلوا نيتكوا لله وحده و صلوا على النيى 10 مرات الصلاه الابراهميه ( الجزء التانى من التشهد ) و ادعولى 

و السلام مسك الختام

السلام عليكم و رحمة الله و بركاتة 

و الصلاة و السلام على سيدنا محمد و عليه افضل الصلاة و ازكى التسليم