فكرة مشروع الدار الخيرى

بسم الله الرحمن الرحيم

السلام عليكم و رحمة الله و بركاتة

الصلاة و السلام على سيدنا محمد عليه افضل الصلاة و ازكى التسليم

فكرة مشروع الدار الخيرى

فكرة مشروع النهردة كبيرة شويه زى مشاريع ( إرم و المهرجان الخيرى و الفرح الجماعى )  و هى الدار الخيرى و الدار دا عباره عن دار ايواء مسنين و دار ايتام 

طبعا فى ناس هتسأل ليه ؟؟ و ايه الاستفاده منه , هرد و اقول اولا خلينا فى دار ايواء المسنين الناس الكبيره دى بتبقى مسكينه جدا و بجد بيصعبوا على الكافر و دا بسبب ان ابنهم رماهم برا البيت او مشاكل مع مرات ابنه و حاجات تانيه كتير و بجد بيبقوا مفتقدين للحنان و العطف بتاع الاولاد و ثانيا دار الايتام دا عباره عن ايتام فقدوا امهم و ابوهم اللى هما العمودين الاساسين للأطفال دى سواء كان موتت ربنا او حادثه و بتكون نفسيتهم متأثرة جدا بسبب فقدانهم ليهم

المهم نرجع لموضوعنا  انا فكرت ان احنا نعمل دار كبير بيقى فيه ايتام و مسنين و ندمج اللتنين مع بعض عشان يبقى فى اكتفاء نفسى متكامل ... احنا قولنا قبل كدا ان المسنين محتاجين يشعروا بحب اولادهم ليهم و الاولاد محتاجين يشعروا بحنان بدل حنان الام و الاب و دا يجى عن طريق ان احنا نخلى المسنين يكفلوا الاولاد دول فى نفس الدار و يعيشوا معاهم كعيله واحدة ساعتها الاولاد هتبر المسنين و هتحسسهم بالحب و العطف و المسنين هيحنوا جدا على الاطفال 

الموضوع سهل جدا  بدل ما تعمل جمعيه خيرية و تكلفها لأ خليها للدار الخيرى لان كدا كدا فى جعيات كتيرة غيرك و كدا تبقى انت ساعدت فى انك توفر مناخ و بيئه طبيعيه لكل من الاطفال و المسنين و ربنا يجزيك خير 

نصيحة النهردة : عود نفسك الصدقه و البذل و العطاء فإنها سبب لرفع كثير من البلاء

و متنسوش و كالعادة اخلصوا نيتكوا لله وحدة و صلوا على النبى 10 مرات الصلاة الابراهيميه ( الجزء التانى من التشهد ) و ادعولى 

و السلام مسك الختام

السلام عليكم و رحمة الله و بركاتة

و صلى اللهم و سلم على سيدنا محمد عليه افضل الصلاة و ازكى التسليم